तेर मने की छ्वीं
मेर जिकुडी मा
कुतगली लगे जंदीन
कुयेड़ लग्यु हवाल जन
कन मा दिखुलूँ तेर मुखड़ि
नी बुथै सकणु छौं ये मन ते
सुचणु छौं क्या बोल
जणदु छौं क्या बुल्ण
पर बोलि नी सकणु छौं
रगरयाणु रेंद इनै उनै
कखि बिसरी नी जौं
तबि बरणाणु रेंद त्यार नौं
हरची च निंद
पर सुपिणा दिखणु रेंद
इन पैल कबि नी ह्वाई
केकि खाणी केकि पीणी
हरचि ग्याई भूख तीस
कुजणि ज्या ह्वै हवालों
जुन्यालि रात मा
तारा गीणणु रेंदु
त्वै सोचि की बचाणु रेंदु
जख तख,भीतर भैर
त्वी नज़र आंदी
बौलेयूं त नी गयूं मी कखि
कुजणि ज्या ह्वे हवालो
प्रतिबिम्ब बड्थ्वाल
